नागरिकांनी पाणी उकळून गाळून प्यावे नगरपरिषदेकडून नागरिकांना आवाहन करण्यात आले

शिरूर प्रतिनिधी

याबाबत शिरूर नगरपरिषदेच्या वतीने एक निवेदन प्रसिद्ध करण्यात आले असून या निवेदनात असे म्हटले आहे की शिरूर शहरातील नागरिकांना याद्वारे आवाहन करणेत येते की, शिरूर शहराच्या पाणीपुरवठा योजनेच्या घोडनदीवरील कोल्हापूर पद्धतीच्या बंधाऱ्यातील पाणीसाठ्यातून शहरास पाणीपुरवठा करणेत येतो. घोडनदी येथून येणारे पाणी मोठ्या प्रमाणामध्ये गढूळ येत असून, खबरदारीची उपाययोजना म्हणून नागरिकांनी पिण्याचे पाणी उकळून व गाळून घ्यावे.