अवैध दोन गावठी बनावटीची पिस्तुले व सहा जिवंत काडतुसे बाळगणा-यास अटक

दिनांक १५ जुन  रोजी पोलीस अंमलदार विजय गजानन शिंदे यांना बातमीदारामार्फत बातमी मिळाली की,  रामलींग ता शिरूर जि पुणे येथे शिरूर ते रामलींग रोडचे बाजुला रूद्र टाईल्स दुकानाचे शेजारी  प्रदिप श्रीकिसन तिवारी रा शिरूर ता शिरूर जि पुणे हा गावठी पिस्तुल घेवुन फिरत असलेबाबत बातमी मिळाल्याने   पोलीस निरीक्षक  संदेश केंजळे यांनी तात्काळ पोलीस उपनिरिक्षक शुभम चव्हाण, पोलीस अंमलदार विजय शिंदे, निरज पिसाळ, नितेश थोरात, सचिन भोई, निखील रावडे, अजय पाटील यांचे पथक तयार करून सदर ठिकाणी जावुन खातरजमा केल्या नंतर

पुणे शिरूर रामलींग रोडने रूद्र टाईल्स दुकानाचे शेजारून इसम नामे प्रदिप श्रीकिसन तिवारी, वय ४२ वर्ष, रा साईनगर, बी जे हाउसींग सोसायटी शिरूर ता. शिरूर जि.पुणे यास सापळा लावुन शिताफिने ताब्यात घेतले असता त्याचेकडे गावठी बनावटीची दोन पिस्तुले व सहा जिवंत काडतुसे मिळुन आली. सदरची अग्निशस्त्रे गुन्हयाचे कामी जप्त करण्यात आली आहेत. सदर बाबत शिरूर पोलीस स्टेशन मध्ये  भारतीय हत्यार कायदा कलम ३, २५ अन्वये गुन्हा दाखल करण्यात आला असुन पुढील अधिक तपास पोलीस उपनिरिक्षक  शुभम चव्हाण करीत आहेत. आरोपी नामे प्रदिप श्रीकिसन तिवारी यास  दिनांक १६ जुन  रोजी न्यायालयात हजर केले असता त्यास दिनांक १८ जुन  रोजी पर्यंत पोलीस कोठडी मंजुर केली आहे.