शिरूर नगरपरिषदेच्या निवडणुकीसाठी इच्छुकांची मोर्चाबांधणी सुरु प्रभाग रचनेच्या कार्यक्रम जाहीर झाल्यानंतर शिरुर मध्ये राजकीय घडामोडींना वेग

शिरूर नगरपरिषदेवर २००७ पासुन शिरूर शहर विकास आघाडीची सत्ता आहे . शिरूर विकास आघाडीचे नेतृत्व प्रसिद्ध उद्योगपती प्रकाश धारीवाल करत आहे . या विकास आघाडीत राष्ट्रवादी कॉंग्रेस,शिवसेना,कॉंग्रेस (आय ) आदी पक्षांचा समावेश आहे . तर विरोधात भाजप,मनसे , लोकशाही क्रांती आघाडी ,बसपा आदीनी  मागील निवडणुकीत उतरले होते . सध्याच्या नगरपरिषदेमध्ये शिरूर विकास आघाडी चे १७ ,  भाजपचे २ ,लोकशाहीक्रांती आघाडीचे १ ,अपक्ष १ व स्वीकृत नगरसेवक २ असे पक्षीय बलाबल होते . नगराध्यक्ष थेट नागरिकांनमधुन निवडून देणे होते त्यात शिरूर विकास आघाडीच्या वैशाली वाखारे ह्या निवडून आल्या होत्या. असे २४ संख्या होती . आगामी  निवडणुकीत १२ प्रभाग नियोजित केले असुन त्या मुळे २४ व २ स्वीकृत असे २६ सदस्य संख्या  असणार आहे . सर्व इच्छुकानी मोर्चे बांधणी सुरु केली आहे . मात्र निवडणूकीला अजुन बराच काळ असल्याने पुलाखालुन बरेच पाणी वाहून जाणार आहे . शिरूर शहर विकास आघाडीकडे इच्छुकांची संख्या भरपूर असुन विद्यमान नगरसेवकांन पैकी किती जणाना उमेदवारी मिळते हे सुध्दा महत्त्वाचे आहे . शिरूर शहर विकास आघाडीचे सर्व निर्णय हे आघाडीचे सर्वेसर्वा प्रकाश धारीवाल हे घेणार आहे  .  शिरूर शहर विकास आघाडी मध्ये मात्र सर्वात जास्त इच्छुकांची संख्या राष्ट्रवादीकडुन असुन खासदार व आमदार राष्ट्रवादीचे असल्याने त्यांचा वरचस्मा या उमेदवारी निवडीमध्ये राहील असे राजकीय जाणकरांचे मत आहे .  तसेच मागील निवडणुकीत शिवसेना विकास आघाडीत होती . त्या वेळी शिरूर लोकसभेचे खासदार हे शिवसेनेचे होते . त्यामुळे शिवसेनेच्या दोन उमेदवारांची वर्णी मागील वेळेस लागली होती . त्या वेळेस झालेल्या निवडणुकीत शिवसेना शहरप्रमुख यांचा पराभव होऊन सुध्दा स्वीकृत सदस्यपदी त्यांची वर्णी लागली होती . मात्र या वेळची परिस्थिती फार वेगळी असुन   खासदार व इतर कुणीही पाठीशी नसल्याने या वेळेस शिवसेनेची अडचण होणार आहे . कॉंग्रेस (आय) ला  शिरूर विकास आघाडीत स्थान मिळेल त्यांच्या एका उमेदवाराला संधी मिळु शकते . तर विरोध पक्ष असलेला भाजप पक्षाचे दोन उमेदवार मागील वेळेस जनतेने निवडुन दिले होते . मात्र  या वेळेस नागरिक काय करतात या कडे पाहणे गरजेचेआहे . या निवडणुकीत भाजप स्वतंत्र पॅनेल टाकणार कि कोणाशी  युती करणार याकडे पाहणे गरजेचे आहे . मनसे ने अनेक आंदोलन केली असली तरी त्या आंदोलनानंतर त्यांच्यावर अनेक आरोप झाले . मनसे मध्ये ४ ते  ५ गट असुन त्यातील एक गट शिरूर विकास आघाडीकडे वळला असुन दुसरा गट लोकशाही क्रांती आघाडीकडे तर तिसरा गट स्वतंत्र लढण्याच्या तयारीत आहे . लोकशाही क्रांती आघाडी कडुन एक नगरसेवक निवडुन आला त्यांनी विविध प्रश्नांनानवर सभागृहात व बाहेर आवाज उठविला  त्यांना लोकशाही क्रांती कडुन  पुन्हा संधी मिळण्याची शक्यता आहे . तसेच  वंचित बहुजन आघाडी, जनता दल (सेक्युलर) ,बसपा ,आर पी आय ,बहुजन मुक्ती पार्टी,आम  आदमी पार्टी या सुध्दा निवडणुकीत उतरणार आहेत . मात्र कोणाची आघाडी कोणाशी होइल हे निवडणूक जवळ आल्यावरच कळेल  . या कडे नागरिकांनी गांभीर्याने घेतल्या पाहिजे. शिरूर शहरात निवडणूकचे जोरदार वारे वाहत असुन मागील पाच वर्षात केलेल्या चांगल्या कामामुळे बांधकाम समितीचे सभापती अभिजीत पाचर्णे , स्वच्छता समितीचे सभापती विठ्ठल पवार ,शिरूर राष्ट्रवादीचे अध्यक्ष व पाणी पुरवठा समिती सभापती मुज्जफर कुरेशी व  नगरसेविका संगिता मल्लाव  यांची उमेदवारी शिरूर शहर विकास आघाडीकडुन  सध्यातरी निश्चित मानली जात आहे .