शैक्षणिक क्षेत्रात शिक्षिका अस्मिता डोंगरे यांचे योगदान महत्वपूर्ण असून अनेक विद्यार्थ्याना घडविण्याचे काम त्यांनी केले – आमदार ॲड अशोक पवार यांचे गौरवोदगार

रयत शिक्षण संस्थेतील न्यू इंग्लिश स्कूल शिरुरच्या उपमुख्याध्यापिका अस्मिता  अजित डोंगरे यांच्या शैक्षणिक क्षेत्रातील योगदानाबद्दल व सेवानिवृत्तीनिमित्त  आमदार ॲड. अशोक पवार यांच्या हस्ते सन्मानचिन्ह ,शाल श्रीफळ व पुस्तक देवून सन्मान करण्यात आला .

यावेळी रयत शिक्षण संस्थेचे मॅनेजिंग कॉन्सिलचे सदस्य व माजी उपनगराध्यक्ष जाकिरखान पठाण ,गटशिक्षणाधिकारी बाळकृष्ण कळमकर ,माजी नगराध्यक्ष रवींद्र  ढोबळे ,मराठा सेवा संघाचे नामदेवराव घावटे ,स्थानिक स्कूल कमिटी सदस्य चंद्रकांत बोरा,  राष्ट्रवादी लिगल सेलचे शहरअध्यक्ष ॲड रविंद्र खांडरे , नीलेश खाबिया ,अजित डोंगरे  आदी उपस्थित होते .

पवार म्हणाले की काळानुरुप वेगवेगळे विषय विद्यार्थ्याना शिक्षणसंस्थानी शिकवावे. आयुष्याला दिशा देण्यात  शिक्षक महत्वाचे असतात . 

जाकिरखान पठाण म्हणाले की अस्मिता डोंगरे यांनी गणित व विज्ञान हे दोन्ही  विषय सोप्या पध्दतीने शिकवून या विषयाची गोडी विद्यार्थ्यानमध्ये निर्माण केली  .

अस्मित डोंगरे यांनी सन्माना बद्दल कृतज्ञता व्यक्त करित आपले मनोगत व्यक्त केले. प्राचार्य संजय चौधरी यांनी प्रास्ताविक केले तर आभार निखील डोंगरे यांनी मानले .

फोटो ओळी 

रयत शाळा शिरुर येथील उपमुख्याध्यापिका अस्मिता अजित डोंगरे यांच्या सन्मान करताना ॲड. अशोक पवार