शिरूर नगरपरिषदे सार्वत्रिक निवडणुक 2022। वाचा कोणते प्रभाग आहेत आरक्षीत

शिरूर नगरपरिषदेची मागील निवडणुक १४ डिसेंबर २०१६ रोजी पार पडली होती . त्याची मुदत मार्च २०२२ मध्ये संपली . त्या पुर्वी निवडणुक होणे गरजेचे असताना कोरोना व ओबीसी आरक्षणामुळे निवडणुक पुढे गेली होती . मात्र निवडणुक आयोगाच्या निर्देशानंतर हि सोडत पार पडली . नविन प्रभाग रचनेनुसार या निवडणुकीसाठी १२ प्रभाग असुन प्रत्येक प्रभागात २ नगरसेवक या प्रमाणे २४ नगरसेवक या वेळेस शिरुर नगरपरिषदेमध्ये निवडुन जाणार आहे . 

आरक्षणा संदर्भात माहिती देताना प्रांतअधिकारी संतोषकुमार देशमुख यांनी सांगितले की, अनुसुचित जाती साठी लोकसंख्याच्या नुसार ३ सदस्यांसाठी आरक्षण पडणार असुन अनुसुचित जमातीच्या लोकसंख्येनुसार १ सदस्या साठी आरक्षण पडणार आहे . त्या नुसार अनुसुचित जातीची जास्त संख्या असलेल्या ४,९,१० या प्रभागासाठी आरक्षण चिठ्या टाकण्यात आल्या . स्वराली कोठावळे,कृतिका मुत्याल या शाळेतील मुलींच्या हस्ते चिठ्ठी काढण्यात आली . त्यात ९,१०  हे प्रभाग अनुसुचित जाती महिलांसाठी राखीव झाले . 

तर प्रभाग क्र ४ हा अनुसुचित जाती सर्वसाधारणसाठी राखीव झाला . अनुसुचित जमाती साठी मागील वेळेस पुरुषांनसाठी असल्याने निवडणुक आयोगाच्या निर्देशानुसार या वेळेस तो महिलान साठी राखीव करण्या आला . लोकसंख्येच्या नुसार प्रभाग क्र ११ हा महिला साठी राखीव झाला . महिलांसाठी ५० टक्के आरक्षण असल्याने २४ पैकी १२ सदस्य या महिला असणार आहे . त्या मुळे या तीन आरक्षित महिलांच्या जागा सोडुन उर्वरित ९ जागा सर्वसाधारण महिलांसाठी आरक्षित करण्यात आल्या . या सोडती कडे सर्वांचे लक्ष लागले होते . नगराध्यक्ष पद  हे नगरसेवकानमधुन असणार असल्याने त्या पदासाठी कुठले आरक्षण पडते हे सुध्दा पाहणे महत्त्वाचे आहे.